नेपालमा उत्पादित औषधिको विवरण राखिएको एप ‘निड्स’ बजारमा
काठमाडौं । नेपाली बजारमा पाइने नेपाली कम्पनीका औषधिहरुको विवरण हेर्न मिल्ने नयाँ मोबाइल एप्लिकेशन ‘निड्स’ बजारमा आएको छ ।
औषधिको जेनेरीक नाम सहित ब्राण्ड, त्यसका विशेषता एवं मूल्य समेत हेर्न सकिने गरी म्याग्नस फर्माले एप निर्माण गरेको हो ।
‘नेप्लिज इन्डेक्स अफ ड्रग्स’ (एनआएडिएस्) नाम दिइएको एपमा नेपाली बजारमा रहेको कुनै पनि एलोपेथिक औषधिको जेनेरिक तथा ब्राण्ड सम्बन्धि जानकारी पाउन सकिने म्याग्नस फर्माका बजार निर्देशक सुधीर प्रकाश मास्केले बताए । उनले भने ‘एपलाई छिट्टै आइफोन मार्फत पनि बजारमा ल्याउने तयारी भइरहेको छ ।’
मास्केका अनुसार प्लेस्टोरमा गई 'NIDS' टाइप गरी एप्लिकेशन डाउनलोड गर्न सकिने छ ।
Last modified on 2017-08-21 16:42:08
बासुदेव न्यौपाने हाम्रो डक्टरमा संवाददाता एवं डेस्क सम्पादकका रुपमा कार्यरत छन् ।
View Other Stories by Author >>