NEWS: – स्वास्थ्य बीमा गरेकाहरुले उपत्यकाका ९ वटा सरकारी अस्पतालबाट उपचार सेवा लिन पाउने भएका छन् । – सरकारले हरेक स्थानीय तहमा कम्तीमा १५ बेडको अस्पताल रहने ब्यवस्था मिलाउन स्वास्थ्य मन्त्रालयलाई निर्देशन दिएको छ । प्रधानमन्त्री तथा मन्त्रीपरिषदको कार्यलयले बिज्ञप्ती जारी गरि सबै स्थानीय तहमा संविधान तथा स्वीकृत कार्य्विस्तृतीकरण बमोजिम स्वास्थ्य सेवा व्यवस्थापन गर्नुका साथै कम्तिमा १५ शैयाको अस्पतालबाट क्रमशः स्वास्थ्य सेवा प्रवाह गर्ने व्यवस्था मिलाउन स्वास्थ्य मन्त्रालयलाई निर्देशन दिएको हो । – स्वास्थ्य मन्त्रालय र नेपाली सेनाको सहकार्यमा रौतहटमा मंगलबारदेखि एक हप्ते बृहत निःशुल्क स्वास्थ्य शिविर सञ्चालन हुने भएको छ । रौतहटको जिल्ला अस्पताल र व्यारेक फिल्डमा मंगलबार देखि १४ गते सम्म हुने बृहत स्वास्थ्य शिविरका लागि विषेशज्ञ चिकित्सक सहित स्वास्थ्यकर्मी, मोवाईल हस्पीटल, औषधी र उपकरणहरु शिविरस्थलमा पु्याईसकेको मन्त्रालयले जनाएको छ । – स्वास्थ्य संस्था दर्ता तथा नविकरण गर्न स्वास्थ्य मन्त्रालयले जारी गरेको निर्देशिका अनुसार फागुन मसान्तसम्म दर्ता भैसक्नुपर्ने भएपनि उपत्यकामा भएका करिव ६ सय स्वास्थ्य संस्था नविकरणका लागि काठमाण्डौं जिल्ला जनस्वास्थ्य कार्यालयमा आएनन् । <<>><<>>

भेरी अञ्चल अस्पतालमा सिकलसेल एनिमियाको रगत जाँच सुरु

भेरी अञ्चल अस्पतालमा सिकलसेल एनिमियाको रगत जाँच सुरु

नेपालगन्जको भेरी अञ्चल अस्पतालले सिकलसेल एनिमियाका बिरामीहरुको रगतको हिमोग्लोबिन इलेक्ट्रोफोसिस  परिक्षण सेवा सुरु गरेको छ ।

स्वास्थ्य मन्त्रालयले करिब २९ लाख पर्ने मेसिन उपलब्ध गराए पछि अस्पतालमै रगत परिक्षण सेवा सुरु भएको हो । अस्पतालले निजी प्रयोगशालाले भन्दा आधा सस्तो शुल्कमा बिरामीको रगत परीक्षण सेवा संचालन गरेपछि बिरामी लाभान्वित भएका छन् । भेरी अञ्चल अस्पतालमा मात्र दैनिक एक जनानयाँ र सात आठ जना पुराना सिकलसेल एनिमियाका बिरामी फलोअपका लागि आउने गरेको अस्पतालका फिजिसियन डा. राजन पाण्डेले बताए ।

 

फेसबुकबाट तपाईको प्रतिक्रिया

Scroll to Top