Browse new version of Hamro Doctor news.hamrodoctor.com
NEWS: – राष्ट्रिय स्वास्थ्य बीमा कार्यक्रम लागू भएका जिल्लाहरुका प्राथमिक स्वास्थ्य केन्द्रमा विभिन्न स्वास्थ्य उपकरणहरु पठाइएको छ । – त्रिभुवन अन्तर्राष्ट्रिय विमानस्थलमा स्थापित अन्तर्राष्ट्रियस्तरको ‘हेल्थ डेक्स’ मर्मत भए पनि क्यामरा जडान नहुँदा सञ्चालनमा ढिलाई । – परोपकार प्रसूति तथा स्त्रीरोग अस्पतालमा अब सिटी स्क्यान सेवा सुरु हुने भएको छ । – शेरबहादुर देउवा नेतृत्वको वर्तमान सरकारमा स्वास्थ्यमन्त्रीका रुपमा माओवादी नेता गिरिराजमणि पोखरेल आउने भएका छन् । – उपत्यकामा यसवर्ष तीन जनामा हैजाको जिवाणु फेला परेको छ, तीनै जना ललितपुरका रहेका छन् । <<>><<>>
Deurali_Janta_Pharmaceutical-ad

Find Hospitals, Clinics, Doctors ...

योगी डाक्टरः जो अस्पतालभन्दा योग केन्द्र खोल्न सुझाव दिन्छन्

योगी डाक्टरः जो अस्पतालभन्दा योग केन्द्र खोल्न सुझाव दिन्छन्

काठमाण्डौ । डा. सुवास घिमिरे आफैमा दन्त तथा अनुहार शल्यचिकित्सक हुन् । उनी हिजोआज आफ्नो नियमित पेशासँगै योगतिर बढी झुकाव राख्छन् । उनी हिजोआज मानिसलाइ योग गरौं स्वस्थ बनौं भन्दै हिँडेको भेटिन्छन । उनैले स्थापना गरेको राजधानीको नैकापस्थित इन्द्र अन्नपुर्ण योग केन्द्रले शनिवार स्थापनाको दोश्रो वार्षिकोत्सवको मनाइँरहँदा हामी भने डा. सुवास किन यति योगप्रति आशक्त छन् भनेर खोतल्दै थियौं । 

करिब साँढे दुईवर्ष अघिसम्म घिमिरेको तौल १ सय ६ केजी थियो । अग्लो कद भएका घिमिरेलाइ चिन्ता त त्यतिबेला लाग्न थाल्यो जतिबेला उनलाई आफ्नो पेशा नै छो्ड्नुपर्नेसम्मको अवस्था आयो । बिरामीको दाँत तथा मुखको शल्यक्रियाको क्रममा कहिलेकाँही ८–१० घण्टा सम्म पनि उभिएर काम गर्नुपर्ने भएकोले उनी अन्य कुरामा ध्यान नै दिन पाउँदैन थिए । कामको बोझले उनलाइ एकाएक कसैसँग बोल्न मनै नलाग्ने, एकदमै थाकाई लाग्ने, ढाड दुख्ने र घाँटी दुखेर त काँम्रो बाँध्नपर्ने नै अवस्था आयो । जसले गर्दा उनी झनझन आफै समस्यामा पर्न थाले ।  समस्या घट्नुको साटो झन्झन् बढ्दै गएपछी एकदिन त उनले कसैलाइ थाहै नदिई भारत जाने र आफ्नो खिइएको ढाड्को हड्डीमा स्टिल हाल्ने र आराम गर्नेसम्मको योजना सम्म सोच्न भ्याए । तर सबैकुरा सोचेजस्तो सहज नभएपछी उनले केही सोच्नै सकेनन् । अन्त्यमा केही नलागेपछी उनले आफ्नो १ सय ६ केजीको शरीरको तौल घटाउन मर्निङवाक गर्नथाले । यसरी दौडिन थालेको केही महीनमा ज्यान हल्का त घट्यो तर फेरी घुँडा दुख्ने समस्यामा सुरु भयो । 

यसरी नै दिन बितिरहेकै थियो एकदिन उनलाई एउटा कार्यक्रमको निमन्त्रणा आयो । कार्यक्रम थियो योग सम्बन्धि । जान्नुबुझ्नु केही थिएन सिधै स्टेजमा लगेपछी उनी अक्क न बक्क परे र दुइ चारजना साथी बनाएर निस्किए । पछी तिनै साथीहरुको सल्लाहमा नियमित योग कक्षा जान थाले । ‘सुरुसुरुमा एकदमै गाह्रो र असजिलो लाग्थ्यो आजकाल त बानी भयो ।’ उनले थपे, ‘यो योग होइन यो त जीवन हो, वास्तविक जीवन जिउन त मैले अहीले पो सिकेँ ।’ उनको सकरात्मक टिप्पणी थियो ।

०७२ बैशाखको बिनाशकारी भुकम्पले क्षतबिक्षत भएको धनजन र त्योभन्दा पनी बिचलित मान्छेको अवस्था देखेर डा. घिमिरेले ०७२ जेठ ६ गते आफ्नो स्वर्गीय बुबा आमाको नाममा इन्द्र अन्नपुर्ण योग केन्द्रको स्थापना गरे । जहाँ अहिलेपनी दैनिक तिसजना भन्दा बढी योग अभ्याँस गर्छन । त्यस्तै योबीचमा डा घिमिरेले आफ्नो ज्यान घटाएर ७५ केजीमा झारेका छन् । उनि आजकल फुर्तिला देखिन्छन् । 

अन्त्यमा, तपाईं चिकित्साभन्दा बढी योगतिर लाग्दा बिरामीको हालत के होला भन्ने हाम्रो जिज्ञासामा डा. सुवास मुस्कुराउँदै बोले, ‘मैले अस्पतालै छोडेको होइन, आजपनी म उत्तीकै फुर्तिका साथ अस्पताल जान्छु , जति काम गरेपनी उस्तै फुर्तिमा रहन्छु । अस्पताल भनेको बिरामी भैसकेपछी निको बनाउने ठाउँ हो भने योग केन्द्र मान्छेलाई बिरामी नै हुन नदिने ठाउँ हो ।’

Swastha Bema AD below news KDC Ad Below News
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top