NEWS: – नर्सिङ्ग होमका रुपमा स्थापित नर्भिक इन्टरनेशनल अस्पिटलले सेवा सुविधा विस्तार गर्ने घोषण गरेको छ । – वलिउड नायिका हुमा कुरेशी २८ दिनको डिटक्स डाइटपछि न्यूट्रिसन ब्राण्डको डिटक्स प्रोडक्टको बिज्ञापनका लागि तयार भएकी छिन् । – ग्राण्डी अन्तर्राष्ट्रिय अस्पतालका इएमएस(इमर्जेन्सी मेडिसिन सर्भिस) कोर्डिनेटर डा. संजय कार्की अमेरीकामा ‘इएमएस १० इनोभेटर्स अफ द इयर अवार्ड’ बाट सम्मानित भएका छन् । <<>><<>>
Deurali_Janta_Pharmaceutical-ad

Find Hospitals, Clinics, Doctors ...

अंग प्रत्यारोपणमा फड्को, ब्रेन डेथ भएका व्यक्तिको मृगौला दुई जनालाई

अंग प्रत्यारोपणमा फड्को, ब्रेन डेथ भएका व्यक्तिको मृगौला दुई जनालाई

Deurali Janta New Products Ad

काठमाडौं, ३१ वैशाख । मानव अंग प्रत्यारोपण केन्द्र भक्तपुरले मुलुकमै पहिलो पटक मस्तिष्क मृत्यु (ब्रेन डेथ) भएका एक व्यक्तिको मृगौला दुई जनामा प्रत्यारोपण गरेको छ ।

केन्द्रका निर्देशक एवं वरिष्ठ मृगौला तथा कलेजो प्रत्यारोपण शल्यचिकित्सक पुकारचन्द्र श्रेष्ठको नेतृत्वमा गत बिहीबार मस्तिष्क मृत्यु भएका एक व्यक्तिका दुइटा मृगौला झिकेर दुई फरक व्यक्तिमा प्रत्यारोपण गरिएको हो । 

सडक दुर्घटनामा परेर ती करिब ३० वर्षे युवाको मस्तिष्क मृत्यु भएको थियो । स्रोतका अनुसार प्रत्यारोपण गराएका एक युवा र अर्का अधबंैसे व्यक्तिलाई एक सातामा अस्पतालबाट डिस्चार्ज गरिनेछ । ‘प्रत्यारोपण गराएका दुवै स्वस्थ छन्, शनिबार गरिएको परीक्षणमा समेत कुनै असामान्यता देखिएको छैन,’ केन्द्रका एक चिकित्सकले भने । मानव अंग प्रत्यारोपण नियमावली २०७३ ले कलेजो प्रत्यारोपणसँगै मस्तिष्क मृत्यु भएकाको अंग लिने र प्रत्यारोपण गर्ने बाटो खुला गरेपछि मुलुकले प्रत्यारोपणको क्षेत्रमा फड्को मार्न सकेको हो । विकसित मुलुकमा ८० प्रतिशतभन्दा बढी अंग प्रत्यारोपण मस्तिष्क मृत्यु भएका व्यक्तिबाट प्राप्त हुने अंगदानबाट हुने गर्छ । एकजना मस्तिष्क मृत्यु भएको व्यक्तिबाट दुई मृगौला, दुई फोक्सो, एक मुटु, एक कलेजो, एक प्याँक्रियाज, एक सानो आन्द्रा, दुई आँखाका नानी तथा छालालगायत अंग दान हुन सक्छन् । 

केन्द्रले निर्देशक डा. श्रेष्ठको नेतृत्वमा २०६९ माघबाट मृगौला प्रत्यारोपण सुरु गरेको हो । हालसम्म केन्द्रमा दुई सय ८४ जनाको मृगौला प्रत्यारोपण भइसकेको छ । केन्द्रले विदेशी विशेषज्ञको सहयोगमा मुलुकमै पहिलो कलेजो प्रत्यारोपणसमेत सफलतापूर्वक गरिसकेको छ । 

गतवर्ष असारमा केन्द्रले मुलुकमा पहिलो पटक आपसी सहमतिबाट दुई परिवारबीच मृगौला साटासाट गरी प्रत्यारोपणसमेत गरेको थियो । यसरी प्रत्यारोपणका लागि एकै परिवारका सदस्यमध्ये अंगदाता र ग्रहणकर्ताबीच ‘म्याच’ नभएको अवस्थामा दुई परिवारका आपसी सहमतिमा अंग साटासाट गरेर प्रत्यारोपण गर्ने चलन पश्चिमा मुलुकमा प्रचलित छ । 

मृगौला ‘फेल’ भएकाका लागि अधिकतम संख्यामा डायलासिस र प्रत्यारोपणको सुविधा उपलब्ध गराउँदै आएको केन्द्रले मुटुको जटिल शल्यक्रियासमेत थालेको छ । केन्द्रले प्रत्यारोपणसँगै अन्य सेवा पनि विस्तार गर्दै लगेको छ । युरोलोजी सेवा, मुटुरोग तथा पेटसम्बन्धी उपचार, पोषणसम्बन्धी जानकारी तथा अत्याधुनिक रेडियोलोजी र प्याथोलोजी सेवाहरूसमेत केन्द्रमा उपलब्ध छ । 

सन् २००४ मा नेपालमा पहिलो पटक वीर अस्पतालमा गरिएको मृगौला प्रत्यारोपण असफल भएको थियो । २००८ को अगस्ट ८ मा त्रिवि शिक्षण अस्पतालमा पहिलो सफल प्रत्यारोपण भएको थियो । यसै वर्ष वीर अस्पतालमा समेत सफल मृगौला प्रत्यारोपण सुरु भएको थियो । मुलुकमा करिब ३० लाख जनसंख्यामा कुनै न कुनै किसिमको मृगौलाको रोग लागेको अनुमान छ । तीन हजार व्यक्तिको वर्षैपिच्छे दुवै मृगौला फेल हुने गर्दछ, जसमध्ये ९० प्रतिशतभन्दा बढी केही महिनामै मृत्युको सिकार हुन्छन् । 

मानव अंग प्रत्यारोपण केन्द्रका अनुसार सडक दुर्घटनालगायतले काठमाडांै उपत्यकामा मात्रै बर्षेनी करिब एक हजार व्यक्तिको मस्तिष्क मृत्यु हुने गरेको छ । मस्तिष्क मृत्यु भएका व्यक्तिबाट हजारौं संख्यामा विभिन्न अंग प्राप्त हुन सक्छन् । एक अनुमान अनुसार मुलुकमा बर्से्नि ३ हजार जनाको मृगौला, एक हजार जनाको कलेजो फेल हुने गरेको छ । करिब ३० लाख मधुमेहीहरूमध्ये उल्लेख्य संख्यामा प्याँक्रियाज तथा मुटु र फोक्सो ‘फेल’ हुने भएकाले मस्तिष्क मृत्यु भएकाबाट प्राप्त अंग प्रत्यारोपण गराएर हजारौं व्यक्तिले नयाँ जीवन पाउन सक्ने चिकित्सकहरू बताउँछन् ।

 

(आजको कान्तिपुर दैनिकमा अतुल मिश्रले लेखेको समाचार)

IPA gagan thapa Swastha Bema AD below news KDC Ad Below News
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top