Browse new version of Hamro Doctor news.hamrodoctor.com
NEWS: – राष्ट्रिय स्वास्थ्य बीमा कार्यक्रम लागू भएका जिल्लाहरुका प्राथमिक स्वास्थ्य केन्द्रमा विभिन्न स्वास्थ्य उपकरणहरु पठाइएको छ । – त्रिभुवन अन्तर्राष्ट्रिय विमानस्थलमा स्थापित अन्तर्राष्ट्रियस्तरको ‘हेल्थ डेक्स’ मर्मत भए पनि क्यामरा जडान नहुँदा सञ्चालनमा ढिलाई । – परोपकार प्रसूति तथा स्त्रीरोग अस्पतालमा अब सिटी स्क्यान सेवा सुरु हुने भएको छ । – शेरबहादुर देउवा नेतृत्वको वर्तमान सरकारमा स्वास्थ्यमन्त्रीका रुपमा माओवादी नेता गिरिराजमणि पोखरेल आउने भएका छन् । – उपत्यकामा यसवर्ष तीन जनामा हैजाको जिवाणु फेला परेको छ, तीनै जना ललितपुरका रहेका छन् । <<>><<>>
Deurali_Janta_Pharmaceutical-ad

Find Hospitals, Clinics, Doctors ...

उफ् म नर्स !
सन्दर्भः विश्व नर्स दिवस

उफ् म नर्स !

विश्व नर्सिङ दिवस विश्वभर मनाइरहँदा म आफू नर्स भएकोमा गर्व गरिरहेकी छु । 

‘गाह्रो समयको अन्त्य हुन्न तर गाह्रो मान्छेहरुको साथ सदैब हुन्छ ।’ यो धारणा लागु हुन्छ केवल नर्सिङ पेशामा ।

जब जीवनमा केही मुख्य बाटो छान्ने अवस्था आउँछ, म जस्ता धेरैजनामा नर्सिङ शव्दावली वरपर परिक्रमा गरेकै हुन्छन् । 

अहो ! सेतो सफा कपडा, बिरामीलाई ढाडस, सुःख दुःखको साथी, एक किसिमले सहयोग, आत्म सन्तुष्टी र सुखको अनुभूति केवल यि कुराहरु नै हुन् जुन हाम्रो मानसपटलमा बस्छन् मनमनै र सपनाको महल बनाउन पुग्छौं । 

(धेरै सोच्नु कहिल्यै नहुने रहेछ) त्यो सेतो कपडामा नर्सलाई हामी परीको रुपमा देख्छौं, मीठो बोली अनि बिरामीको सेवा, म पनि नर्स भएपछि यस्तै हुनेछु अझ यो भन्दा बढी राम्रो हुनेछु । यि र यस्तै हुन् नर्सिङ पेशामा प्रवेश गर्नुअघिका सपनाहरु ।

जब नर्सिङ बिषय पढ्न अघि बढ्छौं, भर्ना भएर कलेज जान थाल्छौं, हामी बिस्तारै यथार्थसँग परिचित हुन थाल्छौं । 

ओहो ! बिरामीको सेवाभन्दा फरक किसिमका सेवाहरु पनि गर्नुपर्ने हुन्छ । कतिपय सेवा त जिन्दगीका बीसौं वसन्त पार गर्दासमेत नगरेका किसिमका पनि हुन सक्छन्  । 

‘अचम्म पनि लाग्छ अरे ! यो केहो ? यस्तो पनि हामीले नै गर्नुपर्छ ।’ 

तीन वर्षे पढाइको पहिलो वर्ष त सकसै सकसमा बित्छ । यदि पार गर्न सकियो त नर्सिङ पढियो नत्र टाटा बाइबाई ।

सबैजना कहाँ हामीजस्तो एक चित्त हुन्छन् र ? 

हैन त्यत्रो वर्ष लगाएर पढ्न त पढियो तर आफूले प्राप्त गरेको प्राप्तांक र अरु विश्वविद्यालयको प्राप्तांकको आकाश जमिनको फरक, मैले त्यति धेरै मेहनत गरेर यति मात्र प्राप्तांक तर मेरो साथी फलानीले मेहनत नै नगरी म भन्दा धेरै अंक ल्याइन किनकी उनी अर्कै विश्वविद्यालयमा थिइन् ।

प्राप्तांक जस्तोसुकै भएपनि काम त सजिलै पाइयोस् । तर उफ् कति गाह्रो १० जान नर्स माग्यो भने १० हजार जनाको आवेदन पर्छ । 

जसमध्ये नाम ५ हजार जनाको निस्किन्छ । अरु त के भनौं वेदनाहरु ‘बाँकी ५ हजारले भोलेन्टियरको रुपमा काम गर्छन् त्यो पनि आफैं पैसा तिरेर । अन्त कँही नभएको जात्रा हाँडी गाउँमा भने झैं भइरहेको छ नर्सिङ पेशा । 

बल्ल बल्ल जागिर पाइयो भनेर मख्ख परेको त के हुनु वास्तविक फलामको ढोका त यहाँ पो रहेछ ।  बिरामीको सेवा, पूरै संस्थालाई टेवा, भावी नर्सहरुलाई पेवा ‘सायद यि केही कुराहरु होलान दुःख सुखका ‘बिरामीलाई खान देउ, औषधि देउ, हरेक कुराको याद राख’ कामै कामको चटारो ‘र अन्त्यमा बिरामी र अन्य कर्मचारीको झटारो’ बाह् नर्सिङ प्रोफेसन वाह् ।

तैपनि जिन्दगी खोलाजस्तै बगिरहेछ । 

कहिले खहरे खोला त कहिले उर्लँदो भेल जे जस्तो भएपनि उ नाउ तैरिरहन्छ । 

तर जब कोही बिरामी अथवा सहकर्मी वा अन्य प्रतिष्ठित व्यक्तिले तैंले त राम्रो काम गरेकी छस् भन्नुहुन्छ तब जिउँदै स्वर्ग पुगेको अनुभव हुन्छ । 

बिरामीको एक मुस्कानले बिरामी पुनः स्वस्थ अवस्थामा पुगेपछि अनि अन्तर्मनले सारा दुःख भुलेर नयाँ जोशको सिर्जना गर्छ ।

लाहुरे आज घर फर्क्यो नाचि नाचि रमाई भने झैं ‘यो नर्स मिठो मुस्कानका साथ बिच्छ्योनामा मिठो मुस्कानकासाथ निँदाउछिन् । 

केवल यत्तिमा मात्र त सिमित नहोला तमाम नर्सहरुलाई केही कुरा जुन उनले सपना साँचेकी हुन्छिन् । तर भेटिएन वा कार्यसफलता भएन भने विवश भएर उनी जान्छिन् विदेशको बाटोतिर ।

यो एउटा विकल्प नै बनेको छ यो पेशामा ।

मान्छेलाई हरघडी हरपल कोही न कोही आवश्यक पर्छ । ‘कुबेरजीलाई त्यो तोरीको दानाले पनि सहयोग गरेको थियो भने हामी त नर्स पो हौं त ।

बिरामी पर्दाको साथी ‘केवल हामी चाहन्छौं’ हजुरहरुको यस पेशाप्रतिको सम्मान ‘यो नै हाम्रो जीवनको उर्जा हो ।’

त्यसैले केवल यति माग्छौ यहाँहरु हामीलाई बुझ्नुहोस र हामीप्रति सकारात्मक धारणा राखिदिनुहोस् । 

धन्यवाद ‘ह्याप्पी वल्र्ड नर्सिङ डे टु अल अफ अस’ 

(सैंजु ग्राण्डी अन्तर्राष्ट्रिय अस्पतालको इन्फेक्सन कन्ट्रोल नर्स हुन्)


 

Swastha Bema AD below news KDC Ad Below News
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

प्रतिक्रियाहरु (1)

  • Nita Gurung on Sat, May 13 2017 04:20 PM

    Gud job


यसमा तपाइको मत


फेसबुकबाट तपाईको प्रतिक्रिया

Scroll to Top