मिश्रबाट आफ्नो उपचार गराउन भारत आएकी इमान अहमदको तौल कम नभएको आरोप लागेपछि एकजना डाक्टरले राजीनामा दिएकी छिन् ।

इमानको उपचार मुम्बईस्थित सैफि अस्पतालमा भइरहेको र उनको उपचारमा संलग्न चिकित्सकहरुको समूहमा रहेकी डा. अपर्णा गोविल भास्करले फेसबुक मार्फत राजीनामा दिएको जानकारी गराएकी हुन् ।

इमान कि बहिनी सायमाले, बहिनी इमानको सैफी अस्पतालका चिकित्सकहरुले राम्ररी उपचार नगरेको र आफूहरुलाई बेवकुफ बनाइरहेको आरोप लगाएकी छिन् । साथै उनले भनेकि छिन्, ‘चिकित्सकहरु झुठो बोल्दैछन् र इमानको सुधारको बारेमा वास्तविक जानकारी दिइरहेका छैनन् ।’

यता, इमानको मानको उपचार डा. मफोजल लकडावालाको रेखदेखमा भइरहेको छ । केहिदिन पहिले चिकित्सकहरुले भनेका थिए, ‘इमानको तौल २५० किलो सम्म कम भएको छ तर, उनको खुट्टाको मांसपेशी कमजोर भइसकेकाले उनी जीवनभर हिड्न सक्दिनन् ।’ 

साथै चिकित्सकहरुले भनेका छन्, ‘शुरुको २५ दिन सम्म सायमा सलीमले सबै राम्रो छ भन्थिन् तर जब इमानको अवस्था राम्रो हुँदै गयो र उनलाई मिश्र लान सक्ने सुझाव दिइयो त्यो बेलादेखि सायमाले अनावश्यक कुरा गर्न थालेकि छिन् ।’ 

चिकित्सकहरुका अनुसार आर्थिक समस्याका कारण साइमा आफ्नी बहिनीलाई मिश्र लान चाहदिनन् र अस्पताल तथा चिकित्सकहरुलाई बद्नाम गर्न खोज्दैछिन् ।
 

Hamro Doctor