NEWS: – नर्सिङ्ग होमका रुपमा स्थापित नर्भिक इन्टरनेशनल अस्पिटलले सेवा सुविधा विस्तार गर्ने घोषण गरेको छ । – वलिउड नायिका हुमा कुरेशी २८ दिनको डिटक्स डाइटपछि न्यूट्रिसन ब्राण्डको डिटक्स प्रोडक्टको बिज्ञापनका लागि तयार भएकी छिन् । – ग्राण्डी अन्तर्राष्ट्रिय अस्पतालका इएमएस(इमर्जेन्सी मेडिसिन सर्भिस) कोर्डिनेटर डा. संजय कार्की अमेरीकामा ‘इएमएस १० इनोभेटर्स अफ द इयर अवार्ड’ बाट सम्मानित भएका छन् । <<>><<>>
Deurali_Janta_Pharmaceutical-ad

Find Hospitals, Clinics, Doctors ...

गोरखा अस्पतालमा किट अभावले सेवा प्रभावित

गोरखा अस्पतालमा किट अभावले सेवा प्रभावित

गोरखा, ७ वैशाख । एचआईभी भएरनभएको थाहा पाउन रक्त परीक्षणका लागि चाहिने ‘किट’ अभाव हुँदा गोरखा अस्पतालको सेवा प्रभावित भएको छ । 

बिरामी उपचार सेवा लिनबाट वञ्चित छन् । सरकारले सित्तैमा उपलब्ध गराउने उक्त सामग्री यहाँ सकिएको हो । नाम्जुङबाट रगत परीक्षण गराउन आएका एक युवकले पर्चा लिए पनि सेवा पाएनन् । ‘टिकट काटेर ल्याबमा पुगें,’ उनले भने, ‘सामान सकिएको छ, आज जाँच्न मिल्दैन भनेर फर्काइदिए ।’ रक्त परीक्षणका लागि ल्याबमा उपयोगी किटको स्टक अस्पतालको स्टोरमा पनि छैन । ‘एचआईभी पोजेटिभ छ कि नेगेटिभ भनेर परीक्षण गर्ने किट सकिएको छ,’ अस्पतालका सूचना अधिकृत कृष्ण ढकालले भने, ‘माथिबाट नआएकाले यहाँ आउने सेवाग्राहीले दुस्ख पाएका छन् ।’ उक्त किट स्वास्थ्य विभागले नियमित पठाउने गरेको थियो । आपूर्ति रोकिएपछि यहाँ रहेको स्टक पनि सकिएको छ । नयाँ वर्ष मनाउन घर गएका अस्पतालका मेसु डा. श्रीराम तिवारी पनि आइतबारसम्म फर्केका छैनन् । अस्पतालका अन्य कर्मचारीलाई किट कहिलेदेखि सकिएको भन्ने यकिन जानकारीसमेत छैन । 

जिल्लामा नियमित रूपमा एआरभी औषधि खाने र एचआईभी परीक्षण गराउने करिब दुई सय जना बिरामी छन् । एचआईभीको अवस्था जाँच गरेर मात्रै बिरामीलाई दिने एआरभीको मात्रा चिकित्सकले निर्धारण गर्छन् । सरकारी अस्पतालमा सित्तैमा पाइने सेवा अवरुद्ध भएपछि बाहिर ६ सय रुपैयाँ खर्च गरेर रक्त परीक्षण गराएको एक सेवाग्राहीले बताए । राष्ट्रिय एड्स तथा यौन रोग नियन्त्रण केन्द्र टेकुबाट किट माग गरिसकेको अस्पतालले जनाएको छ । आफ्नो मौज्दात सकिएपछि जिल्ला जनस्वास्थ्य कार्यालयबाट एक सयवटा किट सापटी लिएको भए पनि त्यसले पनि नपुगेर हाल अभाव भएको अधिकृत ढकालले बताए । जिल्ला जनस्वास्थ्य कार्यालयले पनि उक्त किटको मौज्दात धेरै नभएको जनाएको छ । ‘टीबी भएका बिरामीलाई समेत एचआईभी परीक्षण गराउँदा धेरै किट खर्च हुने गरेको छ,’ उनले भने । 
 

(आजको कान्तिपुर दैनिकबाट)

Swastha Bema AD below news Mero_Barsa_ad KDC Ad Below News
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top