NEWS: – नर्सिङ्ग होमका रुपमा स्थापित नर्भिक इन्टरनेशनल अस्पिटलले सेवा सुविधा विस्तार गर्ने घोषण गरेको छ । – वलिउड नायिका हुमा कुरेशी २८ दिनको डिटक्स डाइटपछि न्यूट्रिसन ब्राण्डको डिटक्स प्रोडक्टको बिज्ञापनका लागि तयार भएकी छिन् । – ग्राण्डी अन्तर्राष्ट्रिय अस्पतालका इएमएस(इमर्जेन्सी मेडिसिन सर्भिस) कोर्डिनेटर डा. संजय कार्की अमेरीकामा ‘इएमएस १० इनोभेटर्स अफ द इयर अवार्ड’ बाट सम्मानित भएका छन् । <<>><<>>

Find Hospitals, Clinics, Doctors ...

जब सुनिताले 'गुमेको' हात फिर्ता पाइन्...

जब सुनिताले 'गुमेको' हात फिर्ता पाइन्...

Deurali Janta New Products Ad

झापा, २० चैत ।  फागुन २० गतेका दिन विर्तामोडकी सुनिता बस्नेतलाई बिहानैदेखि दिन नरमाइलो लागिरहेको थियो । विर्तामोडमा श्रीमानको साथमा व्यापार गरेर बसेकी सुनितालाई उक्त दिन शनिस्चरे–७ स्थित स्थायी घरमा जानु थियो । हावाहुण्डरी र मौसममा अस्वभाविक बदली भैरहेको थियो । स्कूटर चढेर विर्तामोडबाट शनिस्चरे हिँडेकी सुनिता विर्तामोड चोकबाट एककिलोमिटर पार गर्दा नगर्दै धर्मकाटा रोडमा दुर्घटनामा परिन् । गुडिरहेको स्कुटरको चक्कामूनी गुढिरहेको फूटबल आएर पर्दा उनी अनियन्त्रित भएर ट्रयाक्टरको पांग्रामुनी परिन् । 

त्यसपछि उनलाई ट्रयाक्टरको चक्काले लछारपछार पार्यो । स्कूटर देब्रेपटी पुग्यो भने आफु दाहिनेपटि कुदिरहेको ट्रयाक्टरको पांग्रामुनी । उनको हातको पाखुरादेखि कुमसम्मको मासु ट्रयाक्टरले नै लछारेर लग्यो । त्यस्तै टाउको पनि आलु छोडाए झैं पाँग्राले लछारेर लग्यो । हेलमेट उछिट्टिएर कच्याक्कुचुक भयो । 

एकछिन् शब्दशुन्य भएर भुइँमा ढलेकी  सुनिताले एकछिन मुखबाट आवाज निकाल्नमात्र पनि संघर्ष गर्नुपर्यो । ठक्कर दिएर हिँडेको ट्याक्टर धेरै अघि पुगिसकेको थियो । उनले असह्य पीडाका बीच सकीनसकी साहस निकालिन् र रक्ताम्मे अवस्थामा नजिकैको बीएण्डसी अस्पताल पुगिन् । कहालीलाग्दो दुर्घटनामा हात र टाउकोको मासु गुमाएर लरखराएकी घाइते महिला छट्पटिँदै आफै अस्पताल पुगेको देखेर अस्पतालका चिकित्सक, स्वास्थ्यकर्मी र कर्मचारी तीनछक्कै परे । 

हातको आधाउधी मासु त ट्याक्टरकै पाँग्राले लुछेर लगिहाल्यो । त्यो विभत्स अवस्थामा पुगेकी सुनिता तब छाँगाबाट खसिन् जब इमर्जेन्सीका डाक्टरले हात नजोगिने बताए । बल्लतल्ल अस्पताल पुगेर बाँच्ने आशा पलाएपनि डाक्टरको यस्तो कुरा सुनाएपछि उनलाई पीडामाथि पीडा थपियो । त्यसपछि उनलाई अस्पतालका अर्थोपेडिक विभागका प्रमुख निराजन पराजुली र न्यूरो विभागका प्रमुख सीपी लिम्बूको संयुक्त टिमले उपचार थाल्यो । प्रत्येक दिन उनलाई जीवनप्रति झन् झन् आशा थपिन थाल्यो । एकमहिना अस्पताल बसेकी सुनिताका श्रीमान लक्ष्मण बस्नेत आइतवार अस्पतालबाट डिस्चार्ज पेपर बुझ्दै थिए । सुनितासँगैको बेडमा प्रसन्न मुद्रामा बसेकी थिइन् । 

दुर्घटनापछिका उनका तस्वीर साँच्चै दर्दनाक र डरलाग्दा छन् । उनका आफन्त र उनी स्वयंले आजको दिन कल्पनै गरेका थिएनन् । श्रीमतीलाई डिस्चार्ज गरेर घर लान आँटेका लक्ष्मणले श्रीमती ठीक भएको भनिरहँदा उनको अनुहारमा खुशीको अभूतपूर्व रंगहरु कोरिएका थिए । उनले मुस्कुराउँदै थपे,  ‘मैले उनी यसरी ठीक होलिन् भन्ने त परै जाओस् हातै जोगिएला कि नाईं भन्ने सोचेको थिए । यो महिनादिन असाध्यै पीडादायी भयो । अब उनलाई ठीक भएको छ । असाध्यै खुशी लागेको छ ।’ 

सुनिता एकमहिनाको पट्यार लाग्दो अस्पताल बसाईबाट मुक्ति लिएर आइतवार घर जाँदै थिइन् । योबीचमा उनको चार चरण हाडजोर्नीको शल्यक्रिया र एकचरण नशासम्बन्धी शल्यक्रिया भएको छ । अनुहार शल्यचिकित्सकले पनि उनको उपचारमा सहायता गरे । सुनिता हातबाट लुछिएको मासु तिघ्राबाट निकालेर ग्राफ्ट गरिएको छ । हातमा र टाउकोमा तिघ्राको मासु राखेर उस्तै बनाइएको छ । सुनिताको घाउ ठीक भएको मात्र छैन । उनको सुन्दरता पनि फर्किएको छ । 

'सुरुमा हात काट्नुपर्छ भन्दा त सात्तोपुत्लो उडेको थियो । जीवन नै अन्धकार लागेको थियो । तर, आज हातपनि जोगिएको छ । घाउपनि ठीक भएको छैन ।' सुनिताले गदगद् हुँदै हाम्रो डक्टरसँग सुनाइन् । 

बीएण्डसी अस्पतालले यस्ता थुप्रै ‘केस’लाई निको बनाएको छ । पूर्वी नेपालको मेची अञ्चलमा गुणस्तरीय स्वास्थ्य सेवासहित ख्यातिप्राप्त चिकित्सक सहित सेवा आरम्भ गरेको गर्ेको अस्पतालले पुरै चुँडिएका हातसमेत जोडेर उपचार गर्ने गरेको अस्पतालका निर्देशक निराजन प्रसाईँले बताए । केन्द्रिकृत स्वास्थ्य सेवाका कारण यस्ता ट्रमा केसहरुको उपचार गर्न राजधानी वा चितवनजस्ता सेन्टरमा धाउनुपर्ने अवस्थाबाट पूर्वाञ्चलका बासिन्दा मुक्त भएका छन् ।

बिर्तामोडमा खुलेको सुविधासम्पन्न अस्पतालले जस्तोजुकै जटिल उपचारलाई पनि झापामै सम्भव बनाइदिएको छ । एकमहिनापछि श्रीमतिलाई डिस्चार्ज गर्दै घर लान आँटेका श्रीमान लक्ष्मणले हाम्रो डक्टरसँग भने ‘अहिले यतै यस्तो सुविधानसम्पन्न अस्पताल बनेर हामीलाई सहज भएको छ । नत्र मेरी श्रीमती कहाँ जान्थिन होला त्यो दर्दनाक दुर्घटना पछि, भारत ?’

IPA Swastha Bema AD below news KDC Ad Below News Sooriya Diagnostic
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top