NEWS: – दिवङ्गत उद्योगपति लक्ष्मणबाबु श्रेष्ठका तीनजना छोराले पिताको स्मरणमा रु २६ पर्ने दुईवटा डाइलाइसिस मेसिन शुभेक्षा अस्पताललाई प्रदान गरेका छन् । – हिपाराउत कुर्मीले २० वर्षपछि हाइड्रोसिलको शल्यक्रिया गरेका छन् । स्वास्थ्य मन्त्रालय र नेपाली सेनाको सहकार्यमा पहिलोपटक रौतहट सदरमुकाम गौरमा भइरहेको शल्यक्रियासहितको बृहत् स्वास्थ्य शिविरमा कुर्मी हाइड्रोसिलको शल्यक्रिया गराएका हुन् । – सन् २०१७ सम्म नेपाल मोतिबिन्दुमुक्त देश हुने दावी गरिएमने छ । नेपाल नेत्रज्योती संघले ३८ औं वार्षिकोत्सवको अवसरमा राजधानीमा आयोजित कार्यक्रममा संघका अध्यक्ष डा. तीर्थप्रसाद मिश्रले मानिसमा आँखाको रोगका कारण हुने समस्यमा पछिल्लो समय कमी आएको बताउँदै एकवर्षभित्र मोतिबिन्दुमुक्त देश हुने बताएका छन् । <<>><<>>

Find Hospitals, Clinics, Doctors ...

फागुनभित्र काठमाण्डौमा दर्ता भए ८ सय स्वास्थ्यसंस्था, कहाँ गए अरु ६ सय ?

फागुनभित्र काठमाण्डौमा दर्ता भए ८ सय स्वास्थ्यसंस्था, कहाँ गए अरु ६ सय ?

Deurali_Janta_Pharmaceutical

काठमाण्डौं, ७ चैत । स्वास्थ्य संस्था दर्ता तथा नविकरण गर्न स्वास्थ्य मन्त्रालयले जारी गरेको निर्देशिका अनुसार फागुन मसान्तसम्म दर्ता भैसक्नुपर्ने भएपनि उपत्यकामा भएका करिव ६ सय स्वास्थ्य संस्था नविकरणका लागि काठमाण्डौं जिल्ला जनस्वास्थ्य कार्यालयमा आएनन् ।  

देशभर अवैधरुपमा सञ्चालनमा आएका स्वास्थ्य संस्थालाई मन्त्रालयले सम्बन्धित जिल्ला जनस्वास्थ्य कार्यालयमा दर्ता तथा नविकरणका लागि फागुन मसान्तसम्मको समयसीमा दिएको थियो । 

फागुन मसान्तसम्म जिल्ला जनस्वास्थ्य कार्यालयमा नयाँ दर्ता तथा नविकरण गर्न ८ सयभन्दा धेरै स्वास्थ्य संस्थाहरु आएको काठमाण्डौका जनस्वास्थ्य निरीक्षक महेन्द्र गिरीले बताए । उनले भने ‘जसमध्ये धेरै नयाँ स्वास्थ्य संस्था दर्ता गर्ने रहेका छन् ।’ अन्तिम दिन अर्थात फागुन ३० गतेमात्रै नयाँ दर्ताको लागि ४० वटा निवेदन परेका थिए । 

गिरीका अनुसार दर्ता गरी नविकरण नगरेको लामो समय भएको हुँदा नविकरणमा जरिवाना धेरै तिर्नुपर्ने भएकाले पनि नयाँ दर्ता धेरै रहेको हुनसक्छ । मंसिर ७ गते भन्दा पहिला म्याद सकिएका स्वास्थ्य संस्थाले ५ गुणा दस्तुर तिरेर मात्र नविकरण गर्नुपर्ने थियो । 

निर्देशिका अनुसार फागुन मसान्त पछि नयाँ दर्ता तथा नविकरण पूर्णरुपले बन्द भएको छ । तर फागुन मसान्तपछि म्याद सुकिएका संस्थाको भने नविकरण हुने छ । ‘चैत १ गतेदेखि दर्ता तथा नविकरण प्रकृया पूर्णरुपले बन्द भएको छ’ गिरीले भने ‘फागुन मसान्तपछि म्याद सकिएका स्वास्थ्य संस्थाको भने नविकरण नियमित हुनेछ ।’ 

के छ निर्देशिकामा
मन्त्रालयले गत मङ्सिरमा अनुगमनका क्रममा अधिकांश स्वास्थ्य संस्था अवैध पाइएपछि स्वास्थ्य संस्था स्थापना, सञ्चालन तथा स्तरोन्नति मापदण्डसम्बन्धी निर्देशिका संशोधन गरेको थियो । निर्देशिका संशोधन गर्दै मन्त्रालयले कानुनी दायरामा आउन निर्देशन दिएको थियो । 
निर्देशिका अनुसार दर्ता तथा नवीकरण नभएका निजी अस्पताल, शिक्षण अस्पताल, क्लिनिक, पोलिक्लिनिक, फार्मेसी, प्रयोगशाला, नर्सिङ होम, स्वास्थ्य अनुसन्धान केन्द्र लगायतका स्वास्थ्य संस्थाले फागुनभित्रमा दर्ता तथा नवीकरण गर्नुपर्ने छ । फागुन मसान्तसम्म उक्त स्वास्थ्य संस्था दर्ता तथा नविकरण प्रकृयामा नआएमा खारेज हुने छन् । साथै त्यस्ता संस्थाका सञ्चालकलाई भविष्यमा कुनै पनि स्वास्थ्य संस्था सञ्चालन अनुमति प्रदान नगने व्यवस्थासमेत निर्देशिकामा उल्लेख गरिएको छ । 

स्वास्थ्य मन्त्री गगन थापाले स्वास्थ्य सेवा दिवसका अवसरमा आयोजित कार्यक्रममा फागुन मसान्तसम्म स्वास्थ्य संस्थाले दर्ता नगरे स्वास्थ्य संस्थालाई मन्त्रालयले नचिन्ने बताएका छन् । ‘फागुन महिनाभित्र अनुमति नलिएकालाई मन्त्रालयले चिन्दैन्’ उनले भने, ‘मन्त्रालयले नचिन्ने स्वास्थ्य संस्थालाई जनताले पनि चिन्दैनन् ।’

नियमितरुपमा अनुगमन भएको दावी
जिल्ला जनस्वास्थ्य कार्यालयले हाल पनि ४ जना विशेषज्ञ चिकित्सकसहित नियमित रुपमा अनुगमन गरिरहेको बताएको छ । अनुगमनका क्रममा दर्ता तथा नविकरण नभएका संस्था भेटिए प्रहरीको सहयोगमा बन्द गर्ने जनस्वास्थ्य निरिक्षक गिरीले दावी गरे । उनले भने ‘दर्ता तथा नविकरण बन्द गरेको अवस्थामा  संस्था बन्द गर्नु बाहेक अर्को विकल्प छैन ।’ उनीहरुले पछि पनि उक्त संस्था नविकरण गर्न पाउने छैनन् । साथै अनुगमनका क्रममा नियमसंगत नभएका संस्थाहरु भेटिएमा पनि बन्द गरिने गिरीले बताए । 

कति छन् उपत्यकामा स्वास्थ्य संस्था
जिल्ला जनस्वास्थ्य कार्यालयका अनुसार उपत्यकामा मात्र करिव १६ सयको हाराहारीमा स्वास्थ्य संस्था रहेको अनुमान छ । तर फागुन मसान्तसम्म नयाँ तथा नविकरण गरी ८ सयको संख्यामा मात्र दर्ता भएका छन् । जनस्वस्थ्य निरीक्षक गिरीका अनुसार दर्ता भएका ६ सय पुराना स्वास्थ्य संस्था नविकरणका लागि आएकै छैनन् । 

कहाँ गए ६ सय स्वास्थ्य संस्था
जिल्ला जनस्वास्थ्य कार्यालयका अनुसार दर्ता भएका केही स्वास्थ्य संस्था बन्द भइसकेका छन् । निर्देशिका अनुसार लामो समयसम्म नविकरण नगरेको हुँदा जरिवाना धेरै तिर्नु पर्ने भएकाले केही स्वास्थ्य संस्थाहरु नयाँ दर्ता प्रकृयामा आएका छन् । उनीहरुलाई नविकरण गर्नु भन्दा नयाँ दर्ता प्रकृयामा जान सजिलो हुने देखिएको छ ।

कुन क्षेत्रबाट कति दर्ता भए 

जनस्वास्थ्य कार्यालयले क्षेत्र अनुसार दर्ता रेकर्ड राखेको छ । धेरै स्वास्थ्य संस्था रहेको चाबहिल क्षेत्रमा अपेक्षाकृत रुपमा दर्ता प्रकृयामा आएका छैनन् त्यस क्षेत्रबाट ७४ वटा मात्र स्वास्थ्य संस्था दर्ता प्रकृयामा आएका छन् । त्यसैगरी नारायणगोपाल चोक अर्थात चक्रपथ क्षेत्रबाट ८३, गोंगबु क्षेत्रबाट १ सय ४२, बालाजु क्षेत्रबाट ५४, स्वयम्भु क्षेत्रबाट २२, कलंकी क्षेत्रबाट ५१ बल्खु क्षेत्रबाट २६ रहेका छन् । दर्ता प्रकृयामा आएका संस्थाको रेकर्ड राख्ने काम भइरहेको हुदा यसमा केही संख्या बढ्न सक्ने गिरीले बताए ।

Swastha Bema AD below news KDC Ad Below News Sooriya Diagnostic
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top