NEWS: – दिवङ्गत उद्योगपति लक्ष्मणबाबु श्रेष्ठका तीनजना छोराले पिताको स्मरणमा रु २६ पर्ने दुईवटा डाइलाइसिस मेसिन शुभेक्षा अस्पताललाई प्रदान गरेका छन् । – हिपाराउत कुर्मीले २० वर्षपछि हाइड्रोसिलको शल्यक्रिया गरेका छन् । स्वास्थ्य मन्त्रालय र नेपाली सेनाको सहकार्यमा पहिलोपटक रौतहट सदरमुकाम गौरमा भइरहेको शल्यक्रियासहितको बृहत् स्वास्थ्य शिविरमा कुर्मी हाइड्रोसिलको शल्यक्रिया गराएका हुन् । – सन् २०१७ सम्म नेपाल मोतिबिन्दुमुक्त देश हुने दावी गरिएमने छ । नेपाल नेत्रज्योती संघले ३८ औं वार्षिकोत्सवको अवसरमा राजधानीमा आयोजित कार्यक्रममा संघका अध्यक्ष डा. तीर्थप्रसाद मिश्रले मानिसमा आँखाको रोगका कारण हुने समस्यमा पछिल्लो समय कमी आएको बताउँदै एकवर्षभित्र मोतिबिन्दुमुक्त देश हुने बताएका छन् । <<>><<>>

Find Hospitals, Clinics, Doctors ...

दाह्रीवाल बन्दै स्वास्थ्यमन्त्री गगन थापा, तनावले की सोखले ?

दाह्रीवाल बन्दै स्वास्थ्यमन्त्री गगन थापा, तनावले की सोखले ?

Deurali_Janta_Pharmaceutical

राजनीतिक जीवनमा जस्तै गगन थापा स्वास्थ्यमन्त्री भएपछि पनि चर्चाको शिखरमै छन् । समग्र युवा पुस्ताप्रति गर्व बढ्ने गरी काम गर्ने सार्वजानिक प्रतिवद्धता सहित स्वास्थ्य मन्त्रालय सम्हाल्न पुगेका डाइनामिक नेता थापाबाट धेरैले धेरै अपेक्षा गरेका छन् । त्यसो त उनले स्वास्थ्य मन्त्रालय पुगेर धेरै फाइल पल्टाएका छन् । धेरै निर्णयहरु र धेरै परिवर्तनहरु गरेका छन् । केही परिवर्तन व्यवहारमा देखिन थालेको छ भने अधिकांश निर्णय कार्यान्वयन हुन समय लाग्ने खालका छन् ।

सँधै जसो क्लिन सेभमा हेण्डसम देखिने गगन थापा यसपाली दाह्रीवाल बनेका छन् । यति भनेर गगन थापा अहिले हेण्डसम देखिएका छैनन भन्न खोजेको होइन । पछिल्लो तीन हप्तायता उनले दाह्री नकाटेको नोटिस भएको छ ।

 गगन थापा नेपालका ‘सेलिब्रेटी पोल्टिसियन’ पनि हुन् । त्यसैले पनि पछिल्लो समय मन्त्रीका हैसियतमा उनले गरेका हरेक निर्णय र भाषणहरु समाचार बन्छन् । मन्त्री थापा प्रत्येक दिन केही न केही नयाँ निर्णयहरु गरिरहेका छन् । अर्थात प्रत्येक दिन समाचार बन्ने गरी स्वास्थ्य मन्त्रालय चर्चामा छ । मन्त्री थापा आफै भने पछिल्ला दिनमा अलि फरक देखिएका छन् । उनको मोहडामा अलिक परिवर्तन महसुश गरिएको छ । सँधै जसो क्लिन सेभमा हेण्डसम देखिने गगन थापा यसपाली दाह्रीवाल बनेका छन् । यति भनेर गगन थापा अहिले हेण्डसम देखिएका छैनन भन्न खोजेको होइन । पछिल्लो तीन हप्तायता उनले दाह्री नकाटेको नोटिस भएको छ । यस अघि उनी सँधै क्लिन सेभ रुचाउने व्यक्ति हुन् । 

त्यसो त विश्वका धेरै सेलिव्रेटीहरु दाह्रीसहित देखिन्छन् । विशेषगरी दक्षिण एशियन क्रिकेट खेलाडीहरु दाह्रीका कारण पनि चिनिएका छन् । कतिपय नेताहरुको पनि दाह्री पहिचान नै भइसकेको छ । भारतकै कुरा गर्दा प्रधानमन्त्री नरेन्द्र मोदीदेखि काँग्रेस नेता राहुल गान्धीसम्मले क्लिन सेभ गर्दैनन् । उनीहरुको दाह्री सहितको ‘ब्राण्ड’बनिसकेको छ । नेपालका नेताहरुको पनि दाह्री जुंगामा सोख नभएको होइन् । पूर्व प्रधानमन्त्री सुशील कोइराला देखि अहिलेका गृहमन्त्री विमलेन्द्र निधिसम्मको दाह्री चर्चा चल्ने गर्छ । प्रचण्डदेखि कमल थापा पनि जुंगाका सौखिन छन् । दाह्री जुंगालाई लिएर आआफ्नै मान्यता र तर्क हुन्छन् । दाह्री जुंगाको विशिष्टतालाई लिएर सांस्कृतिक, धार्मिक र सामाजिक रुपमा जे जस्ता विश्लेषण गरिए पनि यो लेखमा सामान्यतःएकजना सार्वजानिक चासोको व्यक्ति रहेका मन्त्रीको जीवनशैलीलाई फरक ढंगबाट मात्र टिप्पणी गरिएको हो । 

स्वास्थ्यमन्त्री गगन थापाको भने दाह्री जुंगालाई लिएर कुनै यस्तो ‘ब्राण्ड’ छैन । तर, उनी सेलिब्रेटी हुन् । उनका फोटाहरु मिडियामा सुन्दर देखिन्छन् । स्पष्ट वक्ता र ‘बोल्ड पस्र्यनालिटी’भएका कारणपनि उनको फ्यान फलोइङ धेरै छ । सामाजिक सञ्जालमा चर्चाको अग्रस्थानमा रहन्छन गगन थापा । अहिले पनि दाह्रीसहितका गगन थापा नराम्रा देखिएका छैनन् । दाह्री सहितको उनको सुन्दर कभर फोटो हिमालले अघिल्लो अंकमा प्रकाशित गर्यो । टिभी, अनलाइन तिर पनि उनले दाह्री सहितको स्वरुपमा अन्तर्वाता दिइरहेका छन् जुन नराम्रो देखिएको छ भनिएको होइन । 

एकथरी सेलिब्रेटी कहलिसकेका व्यक्तिहरुको हकमा आफुले जसो गर्दा पनि सुहाउने सोच भएकाले उनीहरु हाउभाउ र मेकअपमा एउटा समयको अन्तरालमा परिवर्तन गर्छन । जसले गर्दा उनीहरुले मानिसको ध्यान आफुतिर आकर्षण हुने विश्वास गर्छन्

सामान्यतःव्यक्तिले किन दाह्रीसम्बन्धी मेकअपको निरन्तरतालाई परिवर्तन गर्छ भनेर सोध्दा मनोविद डा. सरोज ओझाले यसलाई तीन ढंगबाट विश्लेषण गर्नुपर्ने बताए । उनका अनुसार एकथरी सेलिब्रेटी कहलिसकेका व्यक्तिहरुको हकमा आफुले जसो गर्दा पनि सुहाउने सोच भएकाले उनीहरु हाउभाउ र मेकअपमा एउटा समयको अन्तरालमा परिवर्तन गर्छन । जसले गर्दा उनीहरुले मानिसको ध्यान आफुतिर आकर्षण हुने विश्वास गर्छन् ।’ओझाका अनुसार यो गुण राजनीतिक नेता, कलाकार, खेलाडी, पत्रकारजस्ता आममान्छेको चासोमा रहेका सार्वजानिक जीवन बाँच्ने व्यक्तिहरुमा यस्तो स्वभाव हुन्छ । 

यसका साथै मनोचिकित्साका विज्ञहरुले दाह्री पाल्नुलाई भन्दा पनि दाह्री नकाट्नुलाई लिएर अन्य पनि केही कारणहरु पेश गरेका छन् । डा. ओझाका अनुसार अत्यन्तै पढन्ते वा आविष्कारक, आफ्नै पाराको ‘सन्की’हरुले दाह्री, कपाललाई अस्वाभिक लामो बनाउने वा पालिरहने गर्छन । कि त अरुसँग धेरै अपेक्षा गर्ने व्यक्तिले पनि आफ्नो अपेक्षा अनुसार नभएको दर्शाउन दाह्री नकाटेर असन्तुष्टिको बिम्वप्रदर्शन गर्ने मनोरोग विशेषज्ञ डा. ओझाको तर्क छ । 

अर्को त नेपाली समाजमा नियमित दाह्री कपाल नकाट्नुलाई कुनै तनाववा असन्तुष्टिका द्योतकका रुपमा पनि बुझिन्छ । धेरै व्यस्त भएर नकाटेको होला भनेर सामान्य लिने पनि उत्तिनै छन् । त्यसो त पूर्वीय सभ्यतामा ध्यानमा दत्तचित्त योगीहरुले पनि दाह्री काट्दैनन् भनेर देखाइएको छ । ऋषिमुनीहरुले आफ्नो ध्यानबाट ज्ञान नपाउँदासम्म दाह्रीकपालको वास्ता नगर्नेे गरेको भनेर ग्रन्थहरुमा व्याख्या छ । योगी ऋषिमुनीहरुको कुरा गर्नासाथ हरकोहीको आँखामा दाह्रीवाल व्यक्तिको छायाँ बनेर आउला । 

अब प्रश्न आउँछ, स्वास्थ्यमन्त्री गगन थापाले यी मध्ये कुन चाहीँ कारणले दाह्री नकाटेका होलान् ? कामका हिसावले हेर्दा स्वास्थ्यमन्त्री थापा कति व्यस्त छन् भन्ने कुरा स्वास्थ्य मन्त्रालय सम्बन्धी दैनिक आइरहने समाचारहरु पढ्दैमा थाहा हुन्छ । निर्वाचन आचारसंहिता लागेपछि भाषणवाला कार्यक्रम घटेर थोरै फुर्सदिला भएका मन्त्री थापा प्रत्येक दिन १९–२० घण्टा व्यस्त रहने उनको सचिवालयका एक जना सदस्यले सुनाए । मन्त्री भएसँगै उनले यति धेरै निर्णय र परिवर्तनहरु गरेका छन् कि त्यसको फलोअप मात्र गर्दा पनि उनलाई दिनको ३२ घण्टा आवश्यक पर्नसक्छ । विद्यमान प्रशासनिक र कर्मचारीतन्त्रमा आफ्ना सबै निर्णय र परिवर्तन कार्यान्वय नगर्न कठिनमात्र होइन धेरै कठिन भएको महशुस गरेका थापाले पछिल्लो महिनायता आफुलाई कर्मचारीतन्त्रले असहयोग गरेको भन्दै निकटका पत्रकारहरुसँग गुनासो गर्ने गरेको पनि पाइएको छ । केही मिडियाले मन्त्रीको बाटो सचिवले छेकेभनेर समेत लेखे । के यो शीतयुद्द पनि दाह्री नकाट्नुको कारण होला त ?

एकथरी सेलिब्रेटी कहलिसकेका व्यक्तिहरुको हकमा आफुले जसो गर्दा पनि सुहाउने सोच भएकाले उनीहरु हाउभाउ र मेकअपमा एउटा समयको अन्तरालमा परिवर्तन गर्छन । जसले गर्दा उनीहरुले मानिसको ध्यान आफुतिर आकर्षण हुने विश्वास गर्छन्

त्यस्तै पछिल्लो समय गगन थापा स्वास्थ्य काकर्मचारी बीच‘भिलेन’का रुपमा समेत व्याख्या भए । स्वास्थ्य सेवा ऐनको विवादास्पद ९(ख)कार्यान्वयनलाई लिएर आन्दोलनरत स्वास्थ्यकर्मीको मुद्दा मिलाउन नसक्दा गगन थापाले तीव्र असहयोग बेहाुर्न परेको र आफु असफल भएको भन्ने पीडा उनलाई परेको थापाका सचिवालय सदस्यहरुको कुराबाट थाहा हुन्छ । अन्तराष्ट्रिय जगतमा समेत गलत सन्देश जाने गरी पोलियो थोपा खुवाउने अभियान दुई पटकसम्म स्थगित गर्न पर्नु गगन थापाका लागि पक्कै पनि दुःखद भयो होला । पोलियो थापो खुवाउन समेत सुरक्षाकर्मी परिचालन गर्नुपर्ने अभूतपूर्व अवस्था आयो यस पाली । जसरी पनि स्वास्थ्यकर्मीको आन्दोलन दवाउने र पोलियो थोपा खुवाउने धुनमा लाग्दा आन्दोलनको नेतृत्व गरेर खोप कार्यक्रममा असहयोग गरेको भन्दै १८ जना कर्मचारीलाई मन्त्रीले निलम्बन समेत गरे । त्यसमध्ये केही काँग्रेस निकट संगठनको समेत परेको मन्त्रीका सल्लाहकारहरुको दावी छ । यो कदमले गर्दा आन्दोलनकै नेतृत्व गरेर पदमा पुगेका नेताले लोकतन्त्रमास्वास्थ्यकर्मीलाई आन्दोलन गर्न नदिएर निलम्बनगरेको भनेर मन्त्रीथापाको चर्को आलोचना भइरहेको पनि छ  । मन्त्रीले अन्तिमसम्म कर्मचारी निलम्बन गर्न नखाजेको र गर्नुपर्दा समेत स्वास्थ्यमन्त्री थापा केही तनावमा रहेका उनका एक जना सचिवालय सदस्यले सुनाए । आफ्ना निर्णयहरु अनुसार काम हुन नसकेको भनेर कर्मचारी र स्वास्थ्यकर्मी र पत्रकारसँग समेत गुनासो गर्न थालेका थापाले यही असन्तुष्टिका कारणले गर्दा पो दाह्री नकाटेको हो की ?

वा,‘सेलिब्रेटी पोल्टिसियन’भएकानाताले आममानिसलाई फरक टेष्ट दिएका मात्र हुन् ! कि, डा. सरोज ओझाले भनेझैं अपेक्षाअनुसार आफुले काम गर्न नसकेको जनाऊ वा ‘एक्स्क्यूज’ दाह्री नकाटेर गर्न खोजेका हुन् । कि समाचारहरुमा भनिए जस्तै कर्मचारीतन्त्रको तीव्र असहयोगले निम्त्याएको ‘फ्रस्टेशन’को ‘सिम्बोल’हो ?
 

Swastha Bema AD below news KDC Ad Below News Sooriya Diagnostic
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top