Browse new version of Hamro Doctor news.hamrodoctor.com
NEWS: – राष्ट्रिय स्वास्थ्य बीमा कार्यक्रम लागू भएका जिल्लाहरुका प्राथमिक स्वास्थ्य केन्द्रमा विभिन्न स्वास्थ्य उपकरणहरु पठाइएको छ । – त्रिभुवन अन्तर्राष्ट्रिय विमानस्थलमा स्थापित अन्तर्राष्ट्रियस्तरको ‘हेल्थ डेक्स’ मर्मत भए पनि क्यामरा जडान नहुँदा सञ्चालनमा ढिलाई । – परोपकार प्रसूति तथा स्त्रीरोग अस्पतालमा अब सिटी स्क्यान सेवा सुरु हुने भएको छ । – शेरबहादुर देउवा नेतृत्वको वर्तमान सरकारमा स्वास्थ्यमन्त्रीका रुपमा माओवादी नेता गिरिराजमणि पोखरेल आउने भएका छन् । – उपत्यकामा यसवर्ष तीन जनामा हैजाको जिवाणु फेला परेको छ, तीनै जना ललितपुरका रहेका छन् । <<>><<>>
Deurali_Janta_Pharmaceutical-ad

Find Hospitals, Clinics, Doctors ...

वीरगञ्जका हेल्थ असिस्टेन्टको आन्दोलनमा प्रहरी हस्तक्षेप

वीरगञ्जका हेल्थ असिस्टेन्टको आन्दोलनमा प्रहरी हस्तक्षेप

वीरगंज, २४ पुस । स्वास्थ्य चौकी प्रमुखको विषयलाई लिएर हप्तादिन देखि आन्दोलनरत पर्साका हेल्थ असिष्टेन्टहरुलाई प्रहरी प्रशासनले कार्यालय प्रवेशमा रोक लगाएको छ ।

आइतबार बिहान १० बजे धर्ना दिन कार्यालय पुगेका आन्दोलनकारीलाई सुरक्षाको कारण देखाउदै कार्यालय परिसरमा आन्दोलन गर्न रोक लगाएको प्रहरीले जनाएको छ । उता आफनै कार्यालयमा प्रहरीले छिर्न नदिएर लोकतन्त्रको धज्जी उडाएको आन्दोलनरत हेल्थ असिष्टेन्ट संघ पर्साका अध्यक्ष रबिन्द्र साहले बताए । साहले शान्तिपुर्ण आन्दोलन पनि गर्न नदिएर स्थानीय प्रशासनले अनावश्यक दमन गर्न खोजेको आरोप लगाए ।

माग सम्बोधन गर्नुको साटो प्रशासनले प्रहरी र सशस्त्र प्रहरी परिचालन गरी आन्दोलन तुहाउने तर्फ लागेको आन्दोलनकारीको आरोप छ । उनीहरुले आफ्नो मागप्रति स्थानीय निकाय गम्भीर नदेखिए जिल्ला जनस्वास्थ्य कार्यालय पर्साको मुलगेटमै अनसन बस्ने चेतावनी पनि दिएका छन् ।

आन्दोलनमा हेल्थ असिष्टेन्ट संघ नेपालका केन्द्रिय सदस्य अनिल कुमार यादव, हेल्थ असिष्टेन्ट पर्साका उपाध्यक्ष सुनिल कुर्मी, सचिव राजु साह, विनु श्रेष्ठ, अपसरा देवकोटा, संजीता ढकाल, बबिता साह, भगवती भट्ट, सर्मीला मल्ल लगायत ८० जना भन्दा बढी हेल्थ असिष्टेन्ट सहभागी छन् । पुस १७ गते देखि चरणवद्ध आन्दोलनमा उत्रेका पर्साका हेल्थ असिष्टेन्टहरुले माग पुरा नभए सम्म आन्दोलन जारी राख्ने बताएका छन् ।

तस्बिरः साझा सबाल डटकम

Swastha Bema AD below news KDC Ad Below News
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

यसमा तपाइको मत


फेसबुकबाट तपाईको प्रतिक्रिया

Scroll to Top