NEWS: -बाजुराको व्यथाः परिवार नियोजनको करोडौं लगानी बालुवामा, आमाहरु दर्जन बच्चा जन्माउँदै। -पाल्पा जिल्लामा एचआइभी सङ्क्रमितको सङ्ख्या बढ्यो, एचआइभी सङ्क्रमितको अवस्था, सहयोग र हेरचाहलगायतमा सरकार तथा गैरसरकारी संस्थाले सहयोग गर्दै आए पनि सङ्क्रमितको सङ्ख्या बढेर ३ सय ५ पुगेको सक्रिय सेवा समाजद्धारा जानकारी । -औषधि व्यवसायी सङ्घको आह्वानमा जनकपुरका औषधि पसल आज तेस्रो दिन पनि बन्द, धनुषाका सहायक प्रमुख जिल्ला अधिकारी राजेश गिरीको निलम्बनसहित चार सूत्रीय माग पुरा नभएसम्म बन्द जारी रहने औषधि व्यवसायी सङ्घ जनकपुर शाखाद्धारा जानकारी । -सरकारले निशुल्क उपलब्ध गराउने ७० प्रकारको औषधि जिल्ला अस्पताल मुगुमा अझै पुग्न सकेन, जिल्ला अस्पताल मुगुबाट ग्रामीण भेगमा पठाएको औषधि जिल्लाका ५८ प्राथामिक स्वास्थ्य केन्द तथा स्वास्थ्य चौकीमा नपुग्दै विचैमा हराउने गरेको अस्पतालद्धारा स्वीकार । -स्वास्थ्यमन्त्री गगनकुमार थापाले सिद्धार्थ बाल तथा महिला अस्पताल (आम्दा) तत्काल छानबिन गर्न निर्देशन, बुटवलमा स्थानीयवासीले विभिन्न माग राखी दिएको ध्यानाकर्षण पत्रका सम्बन्धमा मंत्री थापाले निर्देशन दिएका हुन् । <<>><<>>

Find Hospitals, Clinics, Doctors ...

उच्च कोलेस्ट्रोल र ट्राइग्लीसेराइडको प्रकोप तथा यसबाट बच्ने उपाय 

उच्च कोलेस्ट्रोल र ट्राइग्लीसेराइडको प्रकोप तथा यसबाट बच्ने उपाय 

HD App Ad

कोलेस्ट्रोल रगतमा पाइने एक प्रकारको बोसो हो, जुन खानाबाट प्राप्त हुन्छ । खानामा पाइने बोसोको शोषण आन्द्रामा भएपछि रगतमा पुग्छ । रगतमा नराम्रो कोलेस्ट्रोलको स्तर बढि भएमा रक्तनलीहरुको भित्तामा टासिने सम्भावना हुन्छ । यो प्रक्रिया प्रत्येक व्यक्तिमा निरन्तर भैरहेको हुन्छ । जसमा कोलेस्ट्रोल जती बढि हुन्छ र जती बढि समयको लागि उच्च हुन्छ, रक्तनली साघुँरो हुने (ब्लकेज) सम्भावना त्यति नै बढि हुन्छ । थाहै नभैकन पनि, बाहिरबाट स्वस्थ देखिने युवाहरुमा पनि उच्च कोलेस्ट्रोलले रक्तनलीलाई साघुँरो गरेको अवस्था हुनसक्छ । मुटु र मस्तिष्कलाई रक्तप्रभाव गर्ने कोरोनरी र सेरेब्रल आर्टरीमा कोलेस्ट्रोल जम्मा भएर अचानक हृदयघात र मस्तिष्कघात जस्ता प्राणघातक रोगहरु उच्च कोलेस्ट्रोलको पहिलो लक्षण हुनसक्छ । 
युवाहरुमा देखिने हृदयघातको प्रमुख कारण नै उच्च कोलेस्ट्रोल हो । युवाहरुमा उच्च कोलेस्ट्रोल-ट्राइग्लीसेराइड छ भने यसको कुनै पनि लक्षण नहुन सक्छ । यसले गर्दा स्वस्थ व्यक्तिमा पनि अचानक समस्या उत्पन्न हुनसक्छ । त्यसैले २० वर्षभन्दा बढी उमेर समुहका मानिसहरुले समयमै आफ्नो रगत परिक्षण गरी कोलेस्ट्रोलको मात्रा थाहा पाउनु जरुरी हुन्छ । काडमाण्डौ उपत्यकाको पाँच हजार पाँच सय युवामा गरिएको एक अनुसन्धानमा ८८ प्रतिशत व्यक्तिमा कुनै न कुनै प्रकारको कोलेस्ट्रोलको समस्या देखिएको थियो । कोलेस्ट्रोललाई नियन्त्रणमा राख्न सकिएन भने भोलीका दिनमा युवाहरुमा यसले अत्यन्तै चिन्ताजनक स्वास्थ्य समस्या उत्पन्न गर्नसक्छ ।

कोलेस्ट्रोलको जाँच 
रगतमा कोलेस्ट्रोलको मात्रा थाहा पाउन गरिने जाँचलाई लिपिड प्रोफाइल भनिन्छ । यसकोलागि ८ देखि १२ घण्टाको खाली पेट हुनु जरुरी हुन्छ । रगतमा एल.डि.एल.को मात्रा १०० मिलीग्राम प्रतिशत भन्दा कम हुनुपर्छ । १०० देखि १३० मध्यम र १३० भन्दा माथि भएमा उच्च कोलेस्ट्रोल मानिन्छ । त्यसैगरी ट्राइग्लीसेराइड १५० मिली भन्दा कम हुनुपर्छ । १५० देखि २०० मध्यम र २०० भन्दा माथि भएमा उच्च मानिन्छ । 

औषधि कस्तो अवस्थामा सुरु गर्ने ?
औषधि सुरु गर्ने-नगर्ने योजना धेरै कुरामा निर्भर हुन्छ । कोलेस्ट्रोलको स्तर मात्रले सधै औषधि लिने निर्णय गरिदैन । कोलेस्ट्रोलको स्तर सँगसँगै मुटुरोग, मस्तिष्क रोग तथा अन्य यस्ता रोग लाग्ने संभावनामा पनि निर्भर रहन्छ । मधुमेह, उच्च रक्तचाप, मोटोपना, ध्रुमपान तथा मदिरा सेवन, वंशाणुगत, मुटुरोग आदि छ भने त्यस्ता विरामीमा कोलेस्ट्रोलको मात्रा हेरेर प्रायः औषधि दिने निर्णय गर्नुपर्ने हुन्छ । जस्तै कुनै मधुमेहका व्यक्तिमा एल.डि.एल. कोलेस्ट्रोलको मात्रा १०५, वा मुटुरोगमा ९० मि.ग्रा. हुदा पनि औषधि खानुपर्ने हुनसक्छ । तर एउटा स्वस्थ व्यक्तिमा कोलेस्ट्रोल १४० छ भने पनि औषधि नदिएरै नियन्त्रणमा राख्न सकिन्छ । त्यसैगरी यदि मधुमेहको विरामीमा ट्राइग्लीसेराइड १६० मि.ग्रा. मा पनि औषधि दिनुपर्ने हुनसक्छ । तर स्वस्थ व्यक्तिलाई ट्राइग्लीसेराइड ५०० भन्दा माथि भयो भने औषधि सुरु गर्नुपर्छ । ५०० भन्दा कम छ भने जीवनशैली परिवर्तन गरि नियन्त्रणमा राख्न सकिन्छ । कहिलेकाँही २०० देखि ५०० मि.ग्रा.को अवस्थामा औषधि प्रयोग गर्न जरुरी पनि हुनसक्छ । यसको निर्णय चिकित्सकले नै गर्नेगर्छ ।  
विश्वमा सवभन्दा धेरै प्रयोग हुने औषधि मध्ये कोलेस्ट्रोल पनि एक हो । किनभने यसले हृदयघात र मस्तिष्कघातबाट बचाउँने प्रशस्त प्रमाण भेटिएको छ । त्यसैले अलि बढी कोलेस्ट्रोल भएमा पनि औषधि दिनुपर्छ भन्ने मेडिकल साइन्सले देखाएको छ । उच्च कोलेस्ट्रोल देखियो भने सुरुमा औषधि सेवन गरी नियन्त्रणमा राख्ने र जीवनशैली आहार बिहारमा परिवर्तन गरेर कोलेस्ट्रोलबाट हुने जोखिम न्यूनिकरण गर्न सकिन्छ । औषधिले कोलेस्ट्रोलेको मात्रा घटाउने मात्र नभई हृदयघातको सम्भावनालाई पनि घटाउँछ ।

तर, कोलेस्ट्रोलमा प्रयोग गरिने औषधिले साइड इफेक्ट समेत गराउँछ । त्यसैले फाइदा र बेफाइदालाई दाँजेर निर्णय लिने गरिन्छ । कुनै कुनै कोलेस्ट्रोलको औषधिले मधुमेह गराउने सम्भावना रहन्छ । त्यसैगरी मांशपेशी तथा कलेजोको समस्या पनि देखाउँन सक्छ । २ किसिमको कोलेस्ट्रोलको औषधि एउटै विरामीले सेवन गरेमा वा उच्च मात्रामा सेवन गरेमा यस्तो समस्या हुने सम्भावना बढी रहन्छ । त्यसैले कुनै पनि व्यक्तिले यदि अन्य कुनै माध्यमबाट आफ्नो कोलेस्ट्रोल घटाउँन सक्छ भने चिकित्सको परामर्श अनुसार औषधिको प्रयोग नगर्नु नै राम्रो हुन्छ । कोलेस्ट्रोलको औषधि चिकित्सकको सल्लाहमा नियमित रुपमा लामो समय सम्म सेवन गर्नुपर्ने हुन्छ । आफ्नो इच्छा अनुसार खाने र छोड्ने गर्नु हुदैन । यसले गर्दा कोलेस्ट्रोलको मात्रामा घटबढ भई झन खतरा हुनसक्छ । 

उपचार प्रक्रिया
कोलेस्ट्रोल नियन्त्रण गर्ने औषधिले हृदयघात र मस्तिष्कघातकोे सम्भावनालाई कम गर्छ । कोलेस्ट्रोलको स्तरलाई घटाउँन र सामान्य अवस्थामा ल्याउन औषधिको प्रयोग गर्नुपर्छ । पछि गएर आफ्नो जीवनशैलीमा परिवर्तन गरेर खानपीनमा सुधार ल्याएर औषधिको मात्रा घटाउँने र बन्द गर्न पनि मिल्छ । तर मधुमेह, हृदयघातका विरामीले औषधि नियमित रुपमा सेवन दिनुपर्छ । यस्ता बिरामीले कहिलेकाहीँ सामान्य स्तरको कोलेस्ट्रोलमा पनि औषधि खानु पर्ने हुनसक्छ । मुटुमा समस्या, वाइपास अप्रेशन भएका विरामी, स्टेनट राखेका विरामीमा कोलेस्ट्रोल १०० मि.ग्रा. भन्दा कममा पनि औषधि सेवन गर्नुपर्छ । 
कोलेस्ट्रोल नियन्त्रण राख्ने प्रमुख उपाय खानपीनको सन्तुलन नै हो । उच्च कोलेस्ट्रोलको औषधि सेवन गर्नेले चुरोटको सेवन गर्नु हँुदैन । कोलेस्ट्रोलको समस्या भएकाले चुरोटको सेवन गरेमो हृदयघात र मस्तिष्कघात हुने सम्भावना धेरै हुन्छ । मदिरा सेवनले पनि ट्राइग्लीसेराइड बढाउँन सक्छ । थोरै मदिरा सेवन गर्दा स्वास्थ्यलाई फाइदा पुग्छ भन्ने मान्यता छ, तर यो पूर्ण सत्य होइन । वियरले ट्राइग्लीसेराइड बढाउने काम गर्छ । थोरै मात्रामा वाइनको सेवनले राम्रो कोलेस्ट्रोल बढाउँन सक्छ । तर, मुटुलाई राम्रो गर्छ भन्ने सोचले मदिरा सेवन गर्नु बैज्ञानिक रुपले गलत सावित भएको छ । 
उच्च कोलेस्ट्रोल भएमा तौल घटाउन जरुरी हुन्छ । यसका लागि दिनहुँ हिड्ने, व्यायाम गर्ने, खानपीनमा ध्यानदिने गर्नुपर्छ । हिडाइले नराम्रो कोलेस्ट्रोलको स्तर घट्नुका साथै राम्रो कोलेस्ट्रोलको मात्रा बढाउँछ ।
उच्च कोलेस्ट्रोल र  ट्राइग्लीसेराइड भएका व्यक्तिमा प्राणघातक रोगको खतरा भएकोले यसको स्तरलाई सक्दो चाडो नियन्त्रणमा लिनु जरुरी हुन्छ । शुरुमा चिकित्सकको सल्लाह अनुसार औषधि खाएर पछि खानपीन र जीवनशैलीमा सुधार ल्याएर सधैको लागि विना औषधि नियन्त्रण गर्न सकिन्छ । यसको लक्षण नुहने भएकाले समयमै लिपिड प्रोफाइल जाँच गर्नु जरुरी हुन्छ । 

 

Swastha Bema AD below news KDC Ad Below News Sooriya Diagnostic
हाम्रो डाक्टर एप (Google Playstore) (Apple Store) मा पनि उप्लब्ध छ । डाउनलोड गर्नुहोला।

प्रतिक्रियाहरु (1)

  • ram kayastha on Fri, Sep 02 2016 12:38 PM

    mero triglyceride 257 total cholesterol 162 hdl cholesterol 38 ldl cholesterol 73 cha aba maile k garnu parla alcohole not drink tara churot ko matra dinn ko 15 wota cha


यसमा तपाइको मत


फेसबुकबाट तपाईको प्रतिक्रिया

Scroll to Top